"Želimo da dovedemo Đokovića"

28.10.2015 10:47

Organizatori turnira iz Serije 500 u Beču žele da dovedu Novaka Đokovića ili Rafaela Nadala u svoj grad sjedeće godine.Šanse da dođe Federer vrlo su male jer je on “rezervisan za Bazel“, po riječima direktora turnira Herviga Strake.

“Fokusiraćemo se na dovođenje Đokovića ili Nadala“, dodao je Straka.

Neće biti iznenađenje ako Nadal dogodine zaigra u Beču s obzirom na to da mu ove sezone ističe trogodišnji ugovor sa turnirom u Bazelu od 250.000 dolara po godini. Sljedeće godine u Beču će se igrati iste sedmice kad i u Bazelu, a i Toni Nadal prije nekoliko godina izjavio je da bi njegov nećak mogao u budućnosti da zaigra u prestonici Austrije.

Kada je reč o Đokoviću, potvrde još nema, a on nije igrao na turniru iz Serije 500 prije priskog Mastersa još od 2011. godine, kada je ispao u polufinalu Bazela od Keija Nišikorija.

Posljednjih godina, uz Masterse i Gren slemove, Novak igra jedino u Dubaiju i Pekingu, a ove i sljedeće sezone ubačena je i Doha, turnir iz Serije 250, na startu sezone.