Poznate sve žrtve nesreće u kojoj je poginuo Kobi Brajant

27.01.2020 13:18

U teškoj helikopterskoj nesreći u nedjelju u Kaliforniji poginuo je Kobi Brajant, jedan od najboljih košarkaša u istoriji. Imao je 41 godinu.

Osim njega, poginulo je još osam ljudi. Do nesreće je došlo oko 9:47 minuta po lokalnom vremenu.

U nesreći je poginula i jedna od četiri kćerke Kobija Brajant,13-godišnja Đijana.

Smrtno je stradala i njena saigračica iz košarkaške ekipe Ališa. Nju su pratili roditelji, Džon Altobeli i Keri Altobeli. Džon Altobeli je imao 56 godina, a radio je kao trener na jednom fakultetu u Orange Countyju. On i supruga su pratili kćer na utakmicu koja se trebala održati u podne.

Inače, Brajanova kćerka Đijana i Ališa Altobeli su zajedno igrale košarku za Mamba Akademiju. Altobeli je redovno putovao na kćerine utakmice.

Naknadno se saznalo da je među poginulima i Kristina Mauser, košarkaška trenerica u jednoj privatnoj školi u Orange Countyju.

"Djeca i ja smo devastirani. Izgubili smo našu prekrasnu suprugu i majku. Molimo da poštujete našu privatnost. Hvala vam na vašim izrazima podrške, mnogo nam znače", napisao je njen suprug Met na Facebooku.

Kako piše Los Angeles CBS, u nesreći su poginuli i Sara Čester i njena kćerka Pejton.

Pilot je bio Ara Zobajan.

 

 

 

(Agencije)