Pogrešan jastuk može biti uzrok glavobolje, kako izabrati pravi?

19.10.2020 18:04

Neadekvatan jastuk ne samo da može da ometa vaš san, nego ćete zbog njega spavati isprekidano, nećete se buditi svježi i odmorni… a rezultat može biti glavobolja, bol u vratu i ukočenost ruku.

Idealan jastuk zavisi od vrsti spavača – mada, bez obzira na to kakav ste tip spavača – jastuk bi trebalo da zadrži oblik (čak i kada se krećete). Cilj je držati glavu u “neutralnom poravnanju”, što znači da glava nije previše nazad ili predaleko naprijed, već glatko stoji na ramenima – slično položaju dok stojite  i pravilno se držite.

Pronađite svoj savršeni tip jastuka…

Ako spavate na leđima: možda ćete imati koristi od tanjeg jastuka (tako da vrat ne bude previše naprijed) koji ima dodatno zadebljanje u donjoj trećini kako bi ti olakšalo vrat. Memorijska pjena je dobra opcija – jer se oblikuje u obliku glave i vrata. Takođe, pokušaj spavati s drugim jastukom ispod koljena kako bi ublažila pritisak na donji dio leđa.

Ako spavate na stomaku: možete upotrijebiti najtanji tip jastuka – ili čak spavati i bez jastuka. Spavanje na stomaku predstavlja puno stresa donjem dijelu leđa pa pokušajte spavati na boku te umjesto toga zagrlite jastuk za tijelo ako vam se sviđa osjećaj da vam nešto pritišće stomak.

Ako spavate na boku: potražite čvrsti jastuk, te još jedan široki tanji kako bi pomogli premoštavanje udaljenosti između uha i ramena. Takođe biste mogli spavati s jastukom između koljena kako biste bolje uskladili kičmu.

Savjet plus: Jastuke treba zamijeniti svakih 18 mjeseci, jer se mogu napuniti uzročnicima bolesti i alergija poput plijesni, mrtvih ćelija kože i grinja. Možete testirati da li je jastuk “mrtav” ako vidite vraća li se nazad u prvobitni položaj nakon što ga preklopite na pola. Ako se ne vrati, vrijeme je za nabavku novog.

 

(miss7.24sata.hr)